មកមើលសព្វាវុធរបស់រុស្សី ក្នុងពិធីបុណ្យ "THE VICTORY DAY" ទើបដឹងថាឡូយជាងកូរ៉េខាងជើងដាច់ [មានវីដេអូ]

បរទេស: កាលពីម្សិលមិញត្រូវនឹងថ្ងៃទី ០៩ ខែឧសភា ឆ្នាំ២០១៧ មានការប្រារព្ធពិធីបុណ្យជាតិខួបលើទី ៧២ នៃថ្ងៃ "The Victory Day" ហើយវាគឺជាថ្ងៃប្រទេសរុស្សីបានដណ្តើមយកជ័យជំនះលើប្រទេសអាឡឺម៉ង់ Nazi ដែលដឹកនាំដោយមេដឹកនាំផ្តាច់ការ ហ៊ីត្លែរ ក្នុងសង្គ្រាមលោកលើកទី២ កាលពីឆ្នាំ ១៩៤៥។ ពិធីបុណ្យ "The Victory Day" ត្រូវបានប្រារព្ធឡើងនៅទីលានក្រហមក្នុងទីក្រុងម៉ូស្គូ ដោយមានការចូលរួមពីលោកប្រធានាធិបតីរុស្សីលោក ពូទីន កងកម្លាំងទាហាន ១ម៉ឺននាក់។ ក្នុងពិធីនេះមានការដើរជាក្បួនព្យុហយាត្រាបង្ហាញសាច់ដុះកម្លាំងទាហាន និងសព្វាវុធទំនើបៗខ្លាំងៗរបស់រុស្សី ដូចជា រថក្រោះ មីស៊ីលប្រឆាំងមីស៊ីលឆ្លងទ្វីប ប្រព័ន្ធខែលការពារអាវុធផ្សេងៗ យន្តហោះចម្បាំង យន្តហោះទម្លាក់គ្រាប់បែកជាដើម។
នៅពេលរាត្រី ប្រជាជនក៏ដូចជាទាហានរុស្សីស្ទើរតែទាំងអស់ក្នុងទីក្រុងម៉ូស្គូ បានចេញមកឈមើលការបាញ់កាំជ្រួចដ៏ស្អាតអស្ចារ្យគ្មានពីរក្នុងថ្ងៃដ៏ពិសេសរបស់ប្រទេសគេទាំងមូល។ ចង់ដឹងថាថ្ងៃនេះស្អាត និងអស្ចារ្យយ៉ាងណាសូមទស្សនារូបភាព និងវីដេអូខាងក្រោមនេះ