ទទួលទានអាហារបួសអាចជួយបន្ថយសម្ពាធឈាមបានច្រើន!
ទទួលទានអាហារបួសអាចជួយបន្ថយសម្ពាធឈាមបានច្រើន!
ការស្រាវជ្រាវដ៏ធំមួយដែលបានធ្វើឡើងនៅប្រទេសជប៉ុនបានបង្ហាញថា ការញ៉ាំអាហារបួសអាចជួយមនុស្សអោយកាត់បន្ថយសម្ពាធឈាមរបស់ពួកគេ។ ការស្រាវជ្រាវដែលបានមើលទៅលើមនុស្សជិត២២.០០០នាក់ បានរកឃើញថា អ្នកបរិភោគអាហារបួសមានសម្ពាធឈាមទាបជាងអ្នកដែលញ៉ាំសាច់។
ជាមធ្យម, ការថយចុះដែលត្រូវបានឃើញនៅក្នុងការស្រាវជ្រាវ គឺ៥ ទៅ៧មីលីម៉ែត្របារតចំពោះសម្ពាធឈាមស៊ីស្តូលីក និង២ ទៅ៥មីលីម៉ែត្របារតចំពោះសម្ពាធឈាមដ្យាស្តូលីក។
អ្នកស្រាវជ្រាវបាននិយាយថា ការណែនាំបានបង្ហាញថា ពួកវាអាចបន្ថយហានិភ័យនៃការគាំងបេះដូងចំពោះមនុស្សដល់ទៅ៩% និងហានិភ័យនៃជំងឺដាច់សរសៃឈាមខួរក្បាលដល់ទៅ១៤%។ ប៉ុន្តែយ៉ាងហោចណាស់, គ្រូពេទ្យឯកទេសខាងជំងឺបេះដូងម្នាក់បាននិយាយថា ការស្រាវជ្រាវនេះគឺជាការស្រាវជ្រាវដំបូង ហើយគាត់មិនទាន់រួចរាល់ក្នុងការប្រាប់អ្នកជំងឺរបស់គាត់អោយបោះបង់ការញ៉ាំសាច់នោះទេ។
យូកូ យូកូយាម៉ា (Yoko Yokoyama) បាននិយាយថា វាមិនមានភាពខុសប្លែកគ្នារវាងគម្រូនៃអាហារបួសជាក់លាក់នោះទេ។
ប៉ុន្តែគាត់បានបន្ថែមថា វាអាចផងដែរដោយសារតែការស្រាវជ្រាវលើអាហារបួសគឺតិចតួច ហើយអាចមិនមានឥទ្ធិពលគ្រប់គ្រងដើម្បីជះឥទ្ធិពលលើលទ្ធផលរួម។
ការស្រាវជ្រាវមិនអាចពិនិត្យមើលថាតើសារជាតិចិញ្ចឹមណាមួយនៅក្នុងអាហារបួសគឺបង្ហាញថាមានប្រយោជន៍នោះទេ។ ប៉ុន្តែអ្នកស្រាវជ្រាវមានទ្រឹស្តីមួយចំនួន។ ពួកគេបានបង្ហាញពីការស្រាវជ្រាវពីមុនដែលបានបង្ហាញថា អាហារដែលមានជាតិសូដ្យូមតិច និងមានជាតិប៉ូតាស្យូមខ្ពស់សុទ្ធតែទំនោរជាបន្ថយសម្ពាធឈាម។
ការស្រាវជ្រាវ៣២បានប្រៀបធៀបភាពខុសគ្នារវាងអ្នកដែលញ៉ាំសាច់ និងអ្នកដែលមិនញ៉ាំសាច់។ ប្រភេទនៃការស្រាវជ្រាវទាំងនោះបានពិពណ៌នាពីទំនាក់ទំនងថា ពួកគេមិនអាចបង្ហាញពីអាហារតែមួយមុខ គឺជាហេតុផលដែលទំនោរអោយចុះឈាមជាងអ្នកញ៉ាំសាច់នោះទេ។
ការស្រាវជ្រាវត្រូវបានចេញផ្សាយនៅក្នុង JAMA Internal Medicine។
គ្រូពេទ្យឯកទេសជំងឺបេះដូងដែលមិនពាក់ព័ន្ធនៅក្នុងការស្រាវជ្រាវបាននិយាយថា គាត់ចង់មើលការស្រាវជ្រាវបន្ថែមមុននឹងគាត់ណែនាំទៅអ្នកជំងឺរបស់គាត់អោយឈប់ញ៉ាំសាច់៕
ប្រភព ៖ health
Post a Comment