តើយើងអាចរស់នៅលើភពព្រះអង្គារ៏ បានទេ?

(NASA)៖ មានសំណួរជាច្រើនដែលចោទសួរថា តើមនុស្សយើងអាចរស់នៅលើភពព្រះអង្គារ៏បានយ៉ាងដូចម្ដេច ?
លោក Stephen Petranek ដែលជាម្ចាស់ពាន់រង្វាន់ ផ្នែកបច្ចែកវិទ្យា បានអះអាងថា ក្នុងរយៈពេល២០ឆ្នាំខាងមុខ មនុស្សពិតជាអាង
រស់នៅលើភពព្រះអង្គារ៏បាន តើត្រូវធ្វើដូចម្ដេចដើម្បីអាចឱ្យមនុស្សរស់នៅលើភពព្រះអង្គារ៏បាន ?
សូមស្ដាប់ការបកស្រាយរបស់គាត់ដូចតទៅ៖។
លោក Petranek បានបកស្រាយថា យើងកំពុងធ្វើការសិក្សា ពីរបៀបសម្របខ្លួន ជាមួយនឹងភពក្រហមមួយនេះ ដោយមិនចាំបាច់ពឹកផ្អែកទៅលើសំលៀកបំពាក់អវកាសនោះទេ
ហើយយើងក៏មិនចាំបាច់រស់នៅក្រោមដីក្នុងជំរៅ៦ម៉ែត្រនោះទេ។ ភពព្រះពិតជាមានប្រភពទឹកច្រើននៅទីនោះ បើតាមការបញ្ចាក់របស់
ក្រុមអ្នកវិទ្យាសាស្ដ្រ ជាពិសេសនៅអឌ្ឍគោលខាងជើងតែម្ដង។
ប្រភពទឹកនៅទីនោះមិនត្រឹមតែអាចផ្គត់ផ្គង់ នឹង ទ្រទ្រង់ជីវិត ប៉ុណ្ណោះទេ គឺទឹកទាំងនោះអាចធ្វើជាឥន្ធនៈសម្រាប់រ៉ូកែតផងដែរ។
យើងត្រូវការធ្វើការពិសោធន៏ជាមុនសិនមុននឹង យើងយកគ្រាប់ពូជ ពីផែនដីសម្រាប់ធ្វើការដាំដុះនៅលើភពក្រហមមួយនេះបាន។
បញ្ហាដ៏ធំនឹងលំបាកបំផុតរបស់ភពព្រះអង្គារ៏នោះ គឺព្យុះព្រះអាទិត្យ ដូចច្នេះយើងត្រូវរកវិធីការពារ នឹង ទប់ទល់ផងដែរ។
ដោយសារតែភពអង្គារ គ្មានដែន ម៉ាញេទិចខ្លាំងក្លា ដូចផែនដី នោះព្យុះព្រះអាទិត្យ នឹងបង្កការគម្រាមកំហែង តាមរយៈការ ជះចេញនូវ សារធាតុ វិទ្យុសកម្មទៅ លើផ្ទៃភពអង្គារទាំងមូល។ បើមិនអាចទប់ស្កាត់បានទេ មនុស្សពិតជាគ្រោះថ្នាក់ណាស់ ក្នុងការធ្វើដំណើរលើ ភពអង្គារ ដោយគ្មានខែលការពារ កម្តៅព្រះអាទិត្យគ្រប់គ្រាន់៕

 ប្រភព៖ cambo-space