បើចង់នាំមនុស្សទៅភពអង្គារឱ្យបានលឿនដូចក្តីស្រមៃនោះអង្គការ NASA ត្រូវតែសហការជាមួយក្រុមហ៊ុនឯកជន?

(អាមេរិក)៖ ថ្មីនេះអង្គការ NASA បានប្រកាសថាខ្លួនមិនអាចនាំមនុស្សទៅកាន់ភពអង្គារបានដូចកាលកំណត់នោះទេដោយសារតែជួបប្រទះបញ្ហាផ្នែកហិរញវត្ថុ ប៉ុន្តែបើចង់សម្រេចក្ដីស្រមៃឱ្យបានលឿននោះអង្គការ NASA អាចសហការជាមួយ
ក្រុមហ៊ុនឯកជនដើម្បីពន្លឿនល្បឿនក្នុងបេសសកម្មបញ្ជូនមនុស្សទៅកាន់ភពអង្គារ។នេះបើយោងតាមការចេញផ្សាយដោយវេបសាយវិទ្យាសាស្រ្ដ Space.com នៅព្រឹកថ្ងៃសៅរ៍ទី ១៥ ខែកក្កដា ឆ្នាំ២០១៧។

នាពេលបច្ចុប្បន្នទីភ្នាក់ងារអវកាស NASA កំពុងតែសហការជាមួយក្រុមហ៊ុនឯកជនអវកាសចំនួន ០៦ផ្សេងទៀត ដើម្បីរួមគ្នាអភិវឌ្ឍន៍ប្រព័ន្ធគំរូមួយ ដែលនឹងជួយបង្កើនសមត្ថភាពនៃយានអវកាស Orion និងគ្រាប់រ៉ុក្កែតមានតម្លៃរាប់ពាន់លានដុល្លាររបស់ NASA។ អង្គការ NASA បានឲ្យដឹងថា ខ្លួនមានបំណងប្រើប្រាស់ប្រព័ន្ធនេះ ដើម្បីបញ្ជូនក្រុមអវកាសយានិកទៅកាន់ភពព្រះអង្គារ នៅក្នុងខ្ទង់ទសវត្សរ៍ឆ្នាំ២០៣០។
យ៉ាងណាមិញ ប្រធានបេសកកម្មបញ្ជូនមនុស្ស ធ្វើដំណើរក្នុងលំហអវកាស លោក Willianm H. Gerstenmaier នៃទីភ្នាក់ងារអវកាស NASA បានឲ្យតំរុយថា NASA ប្រហែលជាអាចងាកទៅផ្តោតសំខាន់លើការវិលត្រឡប់ទៅកាន់ឋានព្រះច័ន្ទវិញក៏ថាបាន៕