ការស្រាវជ្រាវថ្មីបានឱ្យដឹងថា នៅក្នុងកាឡាក់ស៊ីរាងគូទខ្យងយើងនេះ មានប្រហោងខ្មៅ ឬ Black Hole យ៉ាងតិច ១០០លានឯនោះ!
(អាមេរិក) ៖ យោងតាមការចុះផ្សាយដោយសារព័ត៍មានរុស្ស៊ី Sputmik កាលពីថ្ងៃទី ១០ ខែសីហា ឆ្នាំ២០១៧ នេះ បានឱ្យដឹងថាក្រោយពីចំណាយពេលសិក្សាស្រាវជ្រាវអស់រយៈពេលជិត១ឆ្នាំ ក្រុមអ្នកវិទ្យាសាស្រ្ដបានអះអាងថាអាចមានប្រហោងខ្មៅ ឬ Black Hole ដល់ទៅជាង១០០លាន
ដែលកំពុងរសាត់អណ្ដែងនៅក្នុងកាឡាក់ស៊ី Miky Way របស់យើង។
អ្នកប្រហែលជាគិតថា វត្ថុដ៏អាថ៌កំបាំងដែលមានកម្លាំងទំនាញដ៏ខ្លាំងក្លានេះថា ជារឿងដ៏កម្រក៏ប៉ុន្តែរបកគំហើញនាពេលថ្មីៗនេះបានផ្តល់តំរុយថា កាឡាក់ស៊ី Milky Way របស់យើង អាចជាជម្រកនៃប្រហោងខ្មៅដល់ទៅ ១០០លាន ឯណោះ។ លោក James Bullock សាស្ត្រាចារ្យមកពីសាកលវិទ្យាល័យកាលីហ្វរញ៉ា នៃសហរដ្ឋអាមេរិក បានឲ្យដឹងថា «ទីបំផុតពួកយើងអាចគណនាឃើញពីចំនួនប្រហោងខ្មៅធំៗ ដែលមានវត្តមាននៅក្នុង Milky Way ហើយវាមានដល់ទៅខ្ទងរាប់លានឯណោះ ដែលហួសពីការស្មានរបស់ខ្ញុំ»។
ប្រភព ៖ cambo-space
សូមជួយស៊ែរបន្តផង! សូមអរគុណ!
Post a Comment